Пазарот на смартфони со екран на преклопување е сè поконкурентен со некои кинески производители кои влегуваат на меѓународната сцена. Секако надвор од Кина, Samsung продолжува да има доминантна улога.
Поради тоа, со нетрпение ја очекуваме следната генерација на Galaxy Z Fold5 и Z Flip5 уреди, а нивната премиера може да се случи и порано од вообичаениот термин. Според порталот SamMobile, Samsung го подготвува својот следен Unpacked настан за последната недела од јули, поконкретно во периодот помеѓу 25 и 27 јули.
Да потсетиме дека минатата година компанијата ги претстави Galaxy Z Fold4 и Flip4 на 10 август. Веројатно претходната премиера е поврзана и со очекуваното деби на првиот преклопен модел на Google, Pixel Fold, кој би можел да биде најавен веќе следниот месец (10 мај) и да почне да се продава во јуни.
За време на следниот Galaxy Unpacked настан, најверојатно ќе ги видиме и Galaxy Watch 6 паметните часовниците , таблетите Galaxy Tab S9, новите слушалки и наследникот на Galaxy SmartTag.