Windows 11 веќе некое време воведува новитети, како од дизајнерска, така и од функционална страна. Сега пристигнуваат нови виџети, нов File Explorer и повеќе
Верзијата на оперативниот систем што ги донесува промените е Windows Insider Dev Channel Build 23451. Само затоа што е верзија на DevChannel, не значи дека овие промени ќе бидат официјално усвоени по секоја цена, туку дека се се уште се тестираат, но ако се покажат добро, можеме да ги видиме како дел од редовните ажурирања за оперативниот систем Windows 11.
File Explorer има нов дел со детали за тоа што отворате, дополнително достапно преку кратенката Alt+Shift+P. Новост е дека сега тој дел прикажува информации за неодамнешните активности, поврзани фајлови, е-пошта и има опција Sharе за споделување.
Сепак, некои од функциите наведени погоре може да се појавуваат само за фајлови поврзани со OneDrive или други услуги за податоци кои се во облак.
Виџет за Facebook сметка
Доколку имате Facebook профил, можете да го испробате и новиот виџет за оваа социјална мрежа. За да додадете додаток на Facebook во постоечката колекција, треба да отидете на табелата со графички контроли и да кликнете на знакот плус. Тоа ќе покрене слика од вашата Facebook активност, која потоа ќе ја отвори апликацијата. Покрај ова, Microsoft ви овозможува и да одредите како ќе изгледа виџетот пред да го додадете на екранот.
Подобрена е и опцијата Windows Spotlight која има улога да прикажува различни фотографии на позадината на заклучената работна површина преку поддршка за 4K фотографии кои ги прикажува, се разбира, на екраните во таа резолуција. Покрај тоа, дава малку поинакви информации за прикажаните фотографии, кои исто така се различно распоредени на екранот.
Како што пренесува PC World, доколку сте дел од програмата Insider и го добиете гореспоменатото ажурирање, можете сами да испробате некои од овие опции.
Дополнителни ажурирања
Да потсетиме, Microsoft најави дека го ажурира своето Start мени, но со вметнување на реклами во него, за кои веќе пишувавме, со тоа што отсега ќе опфатат повеќе корисници.
Во рамките на новото Start мени, корисниците ќе добиваат „известувања“ за промоција на производите на Microsoft како што е услугата OneDrive. Покрај тоа, во Start mенито во одделот „Recomended“, Windows обично ќе ги вклучува најновите документи на кои сте работеле.