HTC U23 Pro 5G е целосното име на телефонот чии фотографии и спецификации се појавија на интернет, па се чини дека компанијата HTC подготвува неколку интересни уреди
Спецификациите на HTC U23 Pro 5G вклучуваат AMOLED екран, Snapdragon 7 Gen 1 чип, 8GB RAM и 256GB простор за складирање. Од вкупно четири камери што ќе ги има овој телефон, главната има сензор од 108 MP со оптичка стабилизација на објективот.
Батеријата на моделот, која очигледно се уште е во развојна фаза, има 4600 mAh и поддржува безжично полнење, а телефонот користи модерен Android 13 како оперативен систем. Пријатно изненадување е 3,5 мм аудио приклучокот на горниот дел, нешто што не може да се види толку често на денешните телефони.
Кинески извори споменуваат дека задниот дел и рамката на телефонот се направени од пластика, а на сликите може да се забележи дека страничното Power копче е и сензор за отпечатоци.
HTC U23 Pro 5G
2QC9200, 2QC9100, and 2QCB100AMOLED display
Snapdragon 7 Gen 1
Android 13
108MP OIS quad rear camera
4600mAh battery
3.5mm jack
8GB+256GBVia:https://t.co/xMhu1fZ0iE#HTC #HTCU23Pro pic.twitter.com/lQfFyS9Ma5
— Abhishek Yadav (@yabhishekhd) May 4, 2023
HTC одамна се откажа од водечките телефони, од кои некогаш се плашеа конкурентите како Samsung и LG. Сега одвреме-навреме HTC воведува неколку модели во понискиот ценовен сегмент и тоа само за пазари како што е Индија, па драго ни е што оваа компанија реши малку да ја зајакне својата понуда.
Секако, рано е да се зборува за цените, бидејќи очигледно не е конечна верзија на телефонот, но се надеваме дека до крајот на годината ќе го видиме U23 Pro на светскиот пазар.