Групацијата Copelouzos беше поканета и учествуваше на настанот „Интерконективност меѓу Европа и Египет“ организиран од Постојаното претставништво на Европската Унија во Каиро и Шведската амбасада, бидејќи Шведска моментно претседава со Советот на Европската Унија. Претставникот на Copelouzos Group, Џон Каридас, Извршен директор на деловната единица за ОИЕ на Групацијата ги презентираше важните придобивки од имплементацијата на GREGY, електричната интерконекција помеѓу Египет и Грција развиена од нејзината подружница ELICA, што ги опфаќа Египет, Грција, и цела Европа.
Во присуство на амбасадорот на Делегацијата на ЕУ во Египет, Кристијан Бергер, шведскиот амбасадор во Египет, Хакан Емсгард, грчкиот амбасадор во Египет, Никос Папагеоргиу, министерот за нафта и минерални суровини на Египет, Тарек Ел Мола, претставници на големи меѓународни финансиски институции и бројни други поканети на високо ниво, Џон Каридас ги презентираше мултилатералните придобивки што GREGY ќе ги донесе во Египет и Европа, преку подобрување на пазарната интеграција, зајакнување на безбедноста на снабдувањето и зголемување на социјалнатаи економската благосостојба на Грција, земјите-членки на ЕУ и Египет. GREGY ќе овозможи снабдување со зелена енергија од 3.000 MW од Египет до Грција, на овој начин поддржувајќи ја ЕУ да ги исполни своите цели за ОИЕ и декарбонизација и да ја намали нивната зависност од електричната енергија произведена од природен гас.
Каридас ги истакна повеќедимензионалните придобивки, не само за Југоисточна Европа и Источен Медитеран, туку и за цела Европа, што ќе ги донесе имплементацијата на GREGY. Проектот ќе пренесе 3.000 MW зелена енергија произведена во Египет до Грција и преку Грција во Европа, поддржувајќи ги Fit-for-55 и RepowerEU целите, како и стратегијата на Египет за климатски неутрален енергетски систем.
По цврстата и позитивна доверба што ја доби од Владите на инволвираните земји, проектот е во фаза на забрзување на неговиот развој со отпочнување на извршување на финалните технички студии во следниот период. Како што истакна Каридас, станува збор за проект чии придобивки јанадминуваат рамката на границите на двете меѓусебно поврзани земји, со важно позитивно влијание за цела Европа.