Компанијата Samsung на почетокот на вториот месец оваа година ја претстави Galaxy S23 серијата. Вклучува три модели – Galaxy S23, Galaxy S23+ и Galaxy S23 Ultra, а последниот сега доби и верзија Limited Edition, а всушност се работи за специјален пакет во кој Galaxy S23 Ultra доаѓа со уште два гаџети.
Виетнамската подружница на Samsung го претстави пакетот Galaxy S23 Ultra Limited Edition. Овој пакет го вклучува телефонот, Galaxy Watch 5 и безжичен полнач од 15 W.
Во овој пакет, телефонот пристигнува во Phantom Black боја, додека Galaxy Watch 5 пристигнува во сина боја. Galaxy Watch 5 е Bluetooth верзија и пристигнува без LTE поддршка. Безжичниот полнач од 15W е црн.
Пакетот се продава во Виетнам по цена од 31.990.000 VND, што е околу 1245 EUR, а одделно овие три уреди чинат околу 1600 EUR.
Samsung Galaxy S23 Ultra Limited Edition ќе биде достапен во Виетнам до 31 мај 2023 година, преку Shoopee. Засега нема информации дека овој пакет е достапен на некои други пазари, но се очекува тоа да се случи наскоро.
На презентацијата на Galaxy S23 серијата, Samsung посвети посебно внимание на камерите на Galaxy S23 Ultra моделот. Овој телефон има четири камери на задната страна во комбинација – 200 MP f/ 1,7 главен сензор + 12 MP f / 2,2 ултра широк сензор со видно поле од 120 степени + 10 MP f / 2,4 телефото сензор со 3x оптички зум + телефото сензор од 10 MP со 10x зголемување f / 4,9. Посебен акцент е на новиот сензор од 200 MP.