Пред претстојната WWDC конференција за програмери во јуни, Apple објави нови верзии на своите главни оперативни системи, iOS 16.5, iPadOS 16.5 и macOS 13.4. Сите тие додаваат нов таб во Apple News кој е посветен на спортските содржини.
На тој начин, можете да ги следите табелите, резултатите и новостите без да гледате друг материјал. Во Apple News има и табови кои водат до страници за конкретните натпревари.
Во меѓувреме, корисниците на Apple TV 4K ја добиваат опцијата Multiview, која прикажува до четири спортски преноси истовремено. iOS 16.5 и watchOS 9.5 исто така додаваат опции за Pride позадина и лице на часовникот.
Дополнително, поправени се и одредени грешки, вклучувајќи проблеми со CarPlay и Spotlight на iOS и синхронизирање на времето на екранот на повеќе платформи. Сосема е веројатно дека ова нема да биде последното големо ажурирање пред пристигнувањето на iOS 17.
