Корисниците открија начин да ја заобиколат забраната за споделување лозинка на Netflix и да продолжат бесплатно да ги споделуваат своите сметки со други
Претплатничката услуга за стриминг на серии и филмови Netflix неодамна почна да ја забранува практиката на споделување лозинки меѓу корисниците, а во некои земји забраната веќе стапи на сила. Некои од револтираните корисници почнаа да ги откажуваат своите претплати, а некои најдоа начин да ја заобиколат забраната на Netflix.
Од каналот „неетички совети за живот“ на Reddit форумот се рашири откритие кое им овозможува на корисниците на оваа услуга да го возвратат ударот.
Имено, ако малку сте упатени во термините како што се VPN и LAN, ќе можете многу лесно да го користите трикот, а дури и да не сте, ќе можете да ја споделите вашата лозинка со едноставно следење на чекорите за подесување.
Како работи трикот за заобиколување на забраната на Netflix за споделување лозинки
Начинот за заобиколување во основа овозможува поврзување на повеќе уреди на една виртуелна мрежа или сервер, без разлика каде се физички лоцирани уредите, користејќи ја функцијата „meshnet“. Функцијата Meshnet работи како виртуелен шифриран LAN, што автоматски значи дека локацијата на уредот поврзан на таа мрежа повеќе не е битна и дека уредите од кој било дел на светот ќе можат да се поврзат на неа. Ова овозможува споделување на една IP адреса и „позајмување“ на серверот за употреба од други.
На овој начин, корисниците на платформата Netflix можат да ја користат истата IP адреса како и главниот сопственик на сметката, со што ќе успеат да избегнат плаќање дополнителен надомест за споделување лозинки со други.
Како Netflix го забранува делењето на профилите?
Стриминг сервисот Netflix до неодамна беше многу популарен, меѓу останатото и токму поради тоа што им дозволуваше на повеќе корисници да користат една сметка со исти кориснички податоци. На тој начин, корисниците воглавно меѓу себе ги делеа меѓу себе трошоците за претплата.
И покрај ваквата убава практика, оваа година Netflix реши да ја сузбие и да воведе забрана за бесплатно споделување лозинки за сметките. Практично, сервисот дозволува лозинките за една сметка да се користат само во рамките на едно домаќинство, односно на истата локална мрежа.
Со цел да се спроведе забраната, сервисот почна да проверува кои уреди се поврзани со домашните интернет мрежи на корисникот, за да утврди дали сметката се користи на „точната локација“. Ако некој се обиде да се најави на налогот што не припаѓа на вистинската локација, нема да може тоа да го направи. Наместо тоа, ќе има опција дополнително да се плати за додавање уште еден корисник.
Потегот на овој сервис силно ги налути корисниците, кои во знак на револт масовно ги откажуваат своите претплати. Но, некои од нив продолжуваат да бараат начин како да ја заобиколат забраната и како што делува засега, го пронајдоа. Функцијата Meshnet е достапна преку провајдерот NordVPN.
Опција за подесување на Meshnet функцијата
Всушност, не е неопходно да се вклучи VPN како таков, односно да се скрие или премести IP адресата за да се избегне забраната на Netflix. Имено, корисниците треба да креираат сметка на NordVPN и во рамките на нејзината апликација да ја вклучат функцијата Meshnet, пренесува Evening Standard.
Неа обично ја користат луѓе кои сакаат да се поврзат со нивниот домашен уред кога не се дома, а ја користат и гејмерите кои така создаваат виртуелна LAN мрежа, која им овозможува да играат игри со повеќе играчи како да се во иста просторија.
По вклучувањето на функцијата, треба да се овозможи пренасочување на сообраќајот, што всушност прикажува повеќе уреди поврзани на иста интернет мрежа. Ова се прави со избирање на опцијата „route traffic“, која потоа обезбедува листа на уреди кои корисниците можат да ги поврзат на својата мрежа. Листата ќе буде направена од сите уреди поврзани со вашата сметка на NordVPN.
Меѓутоа, можат да се додадат и надворешни уреди кои исто така ја имаат вклучено Meshnet опцијата на други сметки, со испраќање покана во рамките на апликацијата. На овој начин може да се поврзат 10 уреди на една сметка, како и до 50 надворешни уреди.
