Оваа година, Galaxy S23 серијата донесе прилично големи промени во хардверот на камерата, но тоа можеби нема да биде случај со Galaxy S24 моделите. На ова укажува гласина од Јужна Кореја, која тврди дека Samsung ќе ги задржи камерите на Galaxy S24 Ultra во голема мера непроменети.
Според информациите објавени од дојавувачот @UniverseIce, уредот ќе го користи истиот главен сензор ISOCELL HP2 од 200 MP, а ќе го нуди и познатиот Sony IMX754 сензор од 12 MP за 3x телефото камерата и 12 MP Sony IMX564 сензорот за ултраширокоаголната камерата. Единствената промена се очекува во телефото 10x камерата, за која се вели дека ќе користи нов сензор – Sony IMX754+ од 12 MP.
Засега се работи само за гласина, но доколку се потврди, тоа значи дека компанијата ќе се фокусира на софтверски подобрувања и обработка на фотографиите. Засега нема детали за другите два уреди од серијата, но доколку камерите на Galaxy S24 Ultra останат непроменети, тоа веројатно ќе биде случај и со останатите модели.