Конечно имаме и официјална потврда за датумот на следниот Galaxy Unpacked настан на Samsung. Премиерата на новите уреди на компанијата ќе се одржи на 26 јули во Сеул, Јужна Кореја.
Очекуваме голем број нови уреди, вклучувајќи ги преклопните смартфони Galaxy Z Fold5 и Galaxy Z Flip5, а краткиот најавен клип покажува дел од вториот телефон. И двата модели ќе вклучуваат подобрени механизми за преклопување, а Flip5 ќе има и многу поголем втор екран.
Во меѓувреме, Samsung нуди и кредит од 50 долари за преднарачка за Galaxy Z Fold5 или Galaxy Z Flip5 во САД. Покрај овие модели, очекуваме на настанот да бидат претставени и Galaxy Watch 6 и Galaxy Watch 6 Classic паметните часовниците, како и таблет уредите Galaxy Tab S9, Galaxy Tab S9+ и Galaxy Tab S9 Ultra. Секако, можно е да видиме и некои софтверски иновации поврзани со најавените уреди. Пред-нарачките за уредите ќе започнат набрзо по лансирањето, а продажбата би требало да започне во август.