Xiaomi сега го нуди паметниот часовник Redmi Watch 3 Active и во Европа, само неколку недели откако уредот се појави на глобалната страница на компанијата. Ова го открива веб-страницата Notebookcheck, додавајќи дека ова е глобалното име на Redmi Watch 3 Youth Edition, кој веќе е достапен во Кина.
Уредот е веќе достапен во германските продавници на ланецот MediaMarkt по цена од 40 евра во две бои – црна и сребрена. Можно е во одреден момент часовникот да се појави и во Македонија. Што се однесува до функциите, Redmi Watch 3 Active нуди LCD дисплеј од 1,83 инчи (240 x 280, 450 нита) и батерија за до 12 дена работа.
Другите функции вклучуваат над 100 спортски режими, над 200 дигитални страници на часовникот, сензор за отчукување на срцето и читање SpO2 за одредување на нивото на кислород во крвта. За разлика од Redmi Watch 3, недостасува GPS, но микрофонот и звучникот и можноста за handsfree повици се зачувани. Часовникот се каракетризира и со водоотпорност до длабочина од 50 метри.
