Веќе подолго време се шпекулира дека OnePlus подготвува смартфон со дисплеј на преклопување, а пред неколку недели можевме да видиме негови рендери кои открија како би изгледал, а дознавме и некои детали за карактеристиките. Премиерата се очекуваше во август, но сега имаме конкретен датум за тоа.
Според дојавувачот Макс Џамбор, лансирањето на уредот ќе биде на 29 август, а настанот се очекува да се одржи во Њујорк. Претходно, Џамбор откри дека компанијата се решила на името OnePlus Open, што звучи интересно и различно од различните варијации на зборот Fold кои често се користат.
Yes, I can confirm OnePlus Open will be unveiled on August 29th ✅https://t.co/JDsKCxn2gh
— Max Jambor (@MaxJmb) July 13, 2023
Сепак, неодамна беше објавено дека уредот ќе користи верзија на OxygenOS која ќе се вика OxygenOS Fold. Се шпекулира дека ќе видиме преклопен дисплеј од 7,8 инчи, надворешен панел од 6,3 инчи, Snapdragon 8 Gen 2 чипсет, главна камера од 48 MP и батерија од 4800 mAh.