Samsung Galaxy Tab S9 поставува нов стандард и нуди врвно Galaxy искуство на таблет

Патот од идеја до реализација е краток со серијата Galaxy Tab S9 која нуди живописен екран, унапредени перформанси, оригинално S Pen пенкало, IP68 рејтинг и за Galaxy Tab, и за S Pen пенкалото.

Samsung Electronics ја претставува својата нова серија Galaxy Tab S9, врвен асортиман на производи кои го редефинираат светот на таблетите и поставуваат нови стандарди за гледање и креативна слобода. На сите три модели – Galaxy Tab S9, Tab S9+ и Tab S9 Ultra – Dynamic AMOLED 2X екраните гарантираат ненадминливо искуство на гледање и забава заедно со Qualcomm Snapdragon^® 8 Gen 2 for Galaxy. S Pen пенкалото, кое е дел од опремата, има IP68 рејтинг и им помага на корисниците своите идеи да ги претворат во дело. Како првата Galaxy Tab S серија која доби IP68 рејтинг, Galaxy Tab S9 серијата им овозможува на корисниците да ја следат својата инспирација и во затворен и во отворен простор.

„Денес на пазарот не постојат уреди како што е Galaxy Tab S9. Вистински пионир во својата категорија, тој е прв таблет кој обезбедува искуство какво што корисниците најмногу сакаат кај еден таблет, заедно со единствен извонреден дизајн“, изјави ТМ Рох, Претседател и директор за Мобилно искуство (MX) во Samsung Electronics. „Серијата Galaxy Tab S9 ги охрабрува корисниците своите големи идеи да ги претворат во реалност и тоа без напор.“

Откријте го светот на забава и инспирација во движење

Без разлика дали играте игра или гледате видео содржина, 14.6-инчниот Dynamic AMOLED 2X екран на моделот Galaxy Tab S9 Ultra е извонредно и подвижно искуство за забава. HDR10+ во серијата Galaxy Tab S9 овозможува прилагодување на тонот кадар по кадар и фрејм по фрејм, со широк спектар на бои и осветлувања. Динамичната стапка на освежување на серијата Galaxy Tab S9 автоматски се калибрира од 60 до 120 Hz за да одговара на брзата реакција и подобрената ефикасност на батеријата. Функцијата за заштита на видот исто така го намалува напрегањето на очите при слабо сино светло, и тоа за повеќе од 70%. Ги оживува острите детали, така што фотографиите, просторните планови, анимациите и повеќе изгледаат прецизни и јасни. Покрај тоа, размерот на екранот од 16:10 прикажува ТВ содржина и филмови онака како што се наменети за гледање.

Забавата со серијата Galaxy Tab S9 е унапредена благодарејќи на 20% поголемите четири звучници со AKG систем и имерзивниот звук на Dolby Atmos. Со звук како во кино, корисниците на серијата Galaxy Tab S9 исто така можат посебно да ги подесат звуковите за игри, слушање музика, видео повици и друго. За оние кои сакаат да уживаат во забава на отворено, на серијата Galaxy Tab S9 се наоѓа иновативната Vision Booster технологија. Таа автоматски ги регистрира условите при јака светлина и во склад со нив го прилагодува екранот. Тука е и паметната футрола која стои самостојно и го прилагодува уредот во вертикален или хоризонтален приказ за гледање без користење на раце.

Серијата Galaxy Tab S9 е потенка од претходно, но моќна. Секој уред е опремен со истиот водечки мобилен процесор со молскавична брзина како на најновите паметни телефони на Samsung – Snapdragon® 8 Gen 2 Mobile Platform for Galaxy. За прв пат на еден Galaxy таблет, напредната технологија на комората за пареа помага при интензивно стримување, играње игри или уредување видео материјал. Благодарејќи на блиската соработка со водечките партнери во гејминг секторот, корисниците на Galaxy Tab S9 уредите ќе уживаат во подобрено гејминг искуство на голем екран. Серијата Galaxy Tab S9 исто така е температурно најефикасната Galaxy Tab серија досега со внатрешна комора за пареа која е посебно дизајнирана за потребите на таблет со висок интензитет. Новата двонасочна диспрезија на топлина помага при овозможување и одржување на подобри перформанси во тек на подолг период на користење.

Уживајте во слободата на претворање идеја во дело без напор

Секој извонреден Galaxy Tab S9 уред доаѓа со една алатка која сите корисници на таблети најмногу ја сакаат и бараат: Galaxy S Pen пенкалото. Нудејќи искуство за пишување и цртање слично како на хартија, серијата Galaxy Tab S9 и S Pen сега имаат IP68 рејтинг за отпорност на вода и прашина, што создава уште поголеми можности за корисниците да комуницираат и да ги изразат своите идеи. S Pen може да пишува и во лентите за пребарување, прелистувачи и продавници на апликации, а новото двонасочно полнење гарантира дека ќе се полни без разлика како е свртен во неговото куќиште. Корисниците можат да го набават и S Pen Creator Edition пенкалото за уште посовршено искуство. Пенкалото S Pen Creator Edition е направено од текстуриран материјал за удобно држење и со поширок агол на навалување што го прави создавањето поинтуитивно.

Извонредните екрани од серијата Galaxy Tab S9 се идеална позадина за секој проект. Со Multi Window може да се поврзат до три апликации како организирана мрежа на лесно прилагодливи прозорци. Истражувајте во прелистувачот, изберете слика од галеријата на Samsung и запишете ги идеите во Samsung Notes истовремено во еден приказ. Со Pop-Up View, апликациите може да се гледаат како лебдечки прозорци додека целиот главен екран останува непроменет.

Додека патувате или работите во движење, тастатурата на футролата и режимот DeX од серијата Galaxy Tab S9 можат да симулираат десктоп компјутер со максимална преносливост на таблетот. Прилагодливите агли на тастатурата на футролата и копчињата со позадинско осветлување се чувствуваат како лесен компјутер. Режимот на работа DeX содржи курсор кој лесно се следи, флексибилно прилагодување на големината и положбата на прозорецот, додека вториот екран овозможува пресликување или проширување на екранот на компјутерот на таблетот. Соработката за време на повиците на Google Meet сега е полесна со истовремено споделување екран и уредување документи во Samsung Notes.

Дизајнирана да инспирира спонтана продуктивност и да ја подобри креативноста, серијата Galaxy Tab S9 е двигател на креативноста со нови и подобрени апликации за сите работи што ги сакате. Популарната апликација GoodNotes нуди ново искуство со припишување белешки и записи за прв пат на уред со Android, исклучиво за корисниците на Galaxy таблет. Покрај тоа, белешките направени во GoodNotes на сите платформи може лесно да се споделуваат и уредуваат заедно во исто време.

Професионалната апликација за уредување видео LumaFusion го олеснува создавањето содржина за споделување. Сликите и видео материјалот, дури и големите датотеки, направени со камерата на вашиот паметен телефон Galaxy може лесно да се споделат со серијата Galaxy Tab S9 благодарение на функцијата Quck Share. LumaFusion целосно го користи широкиот екран на Galaxy Tab S9 Ultra за прецизно монтирање на видео.

Clip Studio Paint е трансформиран во едноставен интерфејс за цртање на таблет, сликање и многу повеќе. Исто така, апликацијата ArcSite им овозможува на дизајнерите и професионалците да ја претворат својата креативна визија во внимателно изработени 2D CAD шеми, сеопфатни планови просторни планови и точни проценки. Благодарение на блиската соработка со Google за унапредување на големите екрани, корисниците можат лесно да ги завршат задачите и да ги претворат идеите во реалност со партнерските апликации на серијата Galaxy Tab S9.

Максимално уживајте во комплетно извонредното искуство, одвнатре и однадвор

Со неспоредливо корисничко искуство, серијата Galaxy Tab S9 совршено се вклопува и во екосистемот Galaxy. Користењето креативни алатки е лесно кога таблетите Galaxy Tab S9 се поврзани со други уреди. Multi-Control прави беспрекорно копирање, лепење или влечење текст или слики директно помеѓу таблетот и паметниот телефон, овозможувајќи им на корисниците да го контролираат својот паметен телефон преку подлогата за допир на Galaxy Tab S9.

За да одговара на премиум софтверското искуство, хардверот од серијата Galaxy Tab S9 ги содржи познатите карактеристики на дизајнот Galaxy на водечките паметни телефони од серијата Galaxy S, како што е истиот атрактивен распоред на камерата. Серијата Galaxy Tab S9 е лесна и тенка, а моделот Galaxy Tab S9 Ultra е дебел само 5,5 мм, но и издржлив со оцена IP68. Изграден е и да издржува удари и гребнатини благодарение на неговото засилено алуминиумско тело. За оние кои ги добиваат своите најдобри идеи на неочекувани места, ова е совршен партер што може да се користи на нерамни површини и да се справи со денот полн со обврски на отворено. Има и нова футрола за  на отворен простор што нуди уште поголема заштита за корисниците на таблети.

Серијата Galaxy Tab S9 е уште еден пример за посветеноста на Samsung за развој на технологија која ги збогатува животите на луѓето и го минимизира влијанието врз животната средина, без компромиси. Во споредба со претходните серии, серијата Galaxy Tab S9 има уште поразновидни рециклирани материјали и внатрешни и надворешни компоненти. Исто така е спакуван во редизајнирана кутија со 100 проценти рециклирана хартија за пакување.

Достапност

Серијата Galaxy Tab S9 е достапна во претпродажба на нашиот пазар од 26 јули 2023.

Серијата доаѓа во две бои, беж и графитна²³, и во три големини: 14,6-инчен Gakaxy Tab S9 Ultra, 12,4-инчен Gakaxy Tab S9+ и 11-инчен Gakaxy Tab S9²⁴. Уредите ќе бидат достапни по препорачани малопродажни цени од 53.999,00 ден. за Gakaxy Tab S9,  67.399,00 ден. за Gakaxy Tab S9+ и  80.499,00 ден. за Gakaxy Tab S9 Ultra.
За повеќе информации за серијата Galaxy Tab S9 посетете ги веб-страниците: https://www.samsung.com/mk/tablets/

Нарачајте пред сите уред од серијата Galaxy Tab S23 и добијте подарок

Со секое купување уред од серијата Galaxy Tab S9 ве очекува подарок Book Cover Slim тастатура во вредност до 14.199 МКД. Промоцијата трае од 26.7. до 1.8.2023 или пократко доколку се истрошат залихите. Повеќе информации за промоцијата ќе најдете на https://www.samsung.com/mk/offer/preorder-galaxy-tab-s9/

Спецификации на производите