За да ги поттикне корисниците да го „хранат“ својот алгоритам, Netflix воведува функција која им овозможува полесно да ја оценуваат содржината во мобилната апликација
Netflix додаде нова функција која им овозможува на корисниците полесно да ги оценуваат емисиите или филмовите во рамките на апликацијата на Android или iOS.
Имено, корисниците повеќе нема да треба да излегуваат од серијата или филмот откако ќе завршат со гледањето и потоа да му дадат „палец нагоре“ или „палец надолу“, туку тоа ќе можат да го направат директно од видео плеерот. Поконкретно, опциите за оценување ќе се појават со допирање на екранот за време на репродукцијата, заедно со останатите опции за управување со содржината што се гледа.
Погледнете како точно изгледа на скриншотот подолу.
Оваа функција е веќе достапна во рамките на апликацијата Netflix за iOS, а наскоро би требало да пристигне и на Android, пишува The Verge.