Samsung Galaxy S23 Ultra е меѓу најдобрите паметни телефони кога станува збор за фотографијата. Моделот има конфигурација на главната камера која дава голема флексибилност со вклучување на различни сензори и леќи.
Меѓу нив е и сензорот од 10 мегапиксели со телефото оптика за 3x оптички зум. Сега, новите податоци од дојавувачот @UniverseIce сугерираат дека претстојниот Galaxy S24 Ultra би можел да вклучи подобрување во оваа насока, при што компанијата можеби да го замени сензорот од 10 MP со 50 MP, повторно со 3x зум. Претходните гласини сугерираа дека овој сензор може да донесе 5x зум, но се чини дека тоа нема да се случи.
Ова значително ќе ја подобри резолуцијата, а за поголема близина ќе се потпира на сензорот со перископ оптика. Кај него не е јасно дали ќе има опипливо подобрување. Згора на тоа, Samsung може да го користи истиот главен сензор од 200 MP како кај S23 Ultra. За селфи фотографии, се чини дека ќе се базира на сензор од 12 MP.
Exclusive: The Samsung Galaxy S24 Ultra will feature a 50MP 3x telephoto camera！
— ICE UNIVERSE (@UniverseIce) August 9, 2023