Инсајдер од социјалната мрежа X (поранешен Twitter), Ice Universe објави дека 50 MP телефото камерата со 3x зум на Samsung Galaxy S24 Ultra ќе користи сензор од 1/2,52″
Откако минатата недела објави дека претстојниот Galaxy S24 Ultra ќе има 50 MP 3x телефото камера, сметката на X Ice Universe профилот на X вчера додаде дека ќе користи сензор од 1/2,52 инчи. Со ваков сензор, телефонот може да добие квалитет на сликата како да има камера со 5x зум.
Оваа информација беше причина што на интернет се проширија гласини дека 3x телефото зумот на Galaxy S23 Ultra наводно ќе биде заменето со 5x телефото зум на претстојниот модел.
Додека корејската компанија ја надградува портрет камерата од 10 на 50 MP, непотврдени информации покажуваат дека перископот објективот кај следниот Ultra модел ќе ги задржи сегашните 10 мегапикселу, што исто така ќе важи и за примарната камера од 200 MP, како и за 12 MP селфи камера.
Кога станува збор за широкоаголната камера, не е јасно дали компанијата ќе го задржи 12 MP сензор од актуелниот модел S23 Ultra, или можеби ќе го надгради.
Оваа информација доаѓа откако истиот профил објави дека Galaxy S24 Ultra ќе пристигне со подобрен екран, но без премногу детали за спецификациите на дисплејот.
Сепак, со оглед на тоа дека крајот на годината веќе се ближи, извесно е дека во наредниот период ќе бидат објавени подетални инсајдерски информации за овој и останатите претстојни уреди.