Паметните телефони Pixel на Google се меѓу големите цели кога станува збор за протекување на информации. Ова вклучува фотографии од претстојните Pixel 8 и Pixel 8 Pro, како и нивните клучни спецификации.
Сега Google изгледа дека погрешно сподели официјална фотографија од Pro моделот на својата веб- страница. На сликата може да се види Pixel 8 Pro, објавен на промотивната страница за претплати и услуги на компанијата.
Откако дозна за протекувањето, компанијата веднаш ја отстрани фотографијата. На прв поглед, тешко е да се направи разлика помеѓу Pixel 8 Pro и Pixel 7 Pro, бидејќи двата модели изгледаат прилично слично.
Поблискиот поглед покажува промена во делот за главната камера. Дисплејот на идниот модел се очекува да биде рамен, но во овој случај, сепак, го гледаме само задниот дел на уредот.