Откако Apple ја најави презентацијата на iPhone 15 серијата за 12 септември, доаѓа и информација за пристигнувањето на новите паметни телефони на Google.
Google официјално потврди дека два нови смартфони, Pixel 8 и Pixel 8 Pro ќе бидат претставени на 4. октомври. За разлика од Apple, кој традиционално ќе ги објави новите смартфони во својот кампус во Купертино, Калифорнија, Google го избра Њујорк. Компанијата најави дека ќе биде претставен нов уред од семејството Pixel, што би можело да значи дека покрај споменатите мобилни телефони ќе го видиме и Pixel Watch 2 часовникот.
Google дури објави и фотографија од Pixel 8 Pro. Станува збор за уред со 6,7-инчен QHD+ LTPO OLED екран од 120Hz и процесор Tensor G3 поврзан со 12 GB RAM и 128 или 256 GB интерна меморија.
Ултразвучниот сензор за отпечатоци е интегриран во екранот, а пред него се наоѓа селфи камера од 11 MP. На задната страна има три камери, главната од 50 MP со оптичка стабилизација на сликата, ултраширока од 64 и телефото од 48 MP. Уредот се напојува со батерија од 4.950 mAh која поддржува жично полнење од 27 W. Исто така, смартфонот од првиот ден ќе го користи оперативниот систем Андроид 14. Треба да се напомене дека се шпекулира дека на задната страна ќе има и сензор за температура.
Pixel 8 ќе користи ист процесор и оперативен систем, ќе има иста селфи камера, сензор за отпечатоци и опции за меморија, но ќе поседува помал екран од 6,17 инчи со резолуција од 1.080 x 2.400 пиксели и брзина на освежување од 120 Hz. Одзади ќе има две камери, главна од 50 и ултраширока од 12 MP, додека ќе се напојува од батерија со капацитет од 4.485 mAh со поддршка за 24W жично и 12W безжично полнење.