Samsung Galaxy Z Fold5 – Телефон што ќе ви го замени компутерот

Во однос на Galaxy Fold4, Samsung Galaxy Z Fold5 донесе екран кој се преклопува без простор меѓу двата дела, подобар хардвер и подобра заштита на екранот – дали е тоа доволно за нови купувачи?

Текст и фото: Никола Бурагев

Веднаш по светската премиерата на Galaxy Z Fold 5 на Unpacked настанот во Сеул, го тестиравме новиот преклопен смартфон на Samsung, кој веќе почна да добива пофалби за неговата издржливост на бројни тестови каде беше изложен на различни притисоци,  за да покаже колку навистина е силен неговиот флексибилен екран.

Да, тоа е главната карактеристика на Galaxy Z Fold 5, флексибилен екран, кој кога целосно ќе се отвори, се претвора во телефон сличен на таблет со дисплеј од 7,6 инчи. Во споредба со неговиот претходник, Z Fold 5 нема некои значителни промени во однос на дизајнот, односно големината на екранот, распоредот на копчињата, USB-C портот, софтверот и поддршката за S Pen се исти. Дури и цената е слична на ланската и без разлика на несомнениот квалитет на телефонот, таа е доста висока.

Она што е променето е начинот на кој е организирана главната камера. Повеќе нема испакнување, иако самите леќи на камерата се малку над рамнината на телефонот. Онаму каде што лежи разликата е пред се во квалитетот на екранот и тоа е многу лесно видливо. Како прво, главниот екран е многу подобар, појасен и посветол при силна дневна светлина, а камерите имаат поддршка од помоќен софтвер и вештачка интелигенција, што значи дека фотографиите се значително подобри. Покрај тоа, системот на шарки на новиот телефон го менува впечатокот за употреба. Главната разлика е кога смартфонот ќе се преклопи повеќе нема „простор“ помеѓу двете половини на екранот, па уредот е значително потенок (2.4 милиметри) и поудобен за користење.

Но, кога ќе го отворите Galaxy Z Fold 5 се гледа зошто и натаму е пред конкуренцијата, дури и ако годинашниот модел не претставува пресврт во развојот на флексибилните мобилни уреди. Мултитаскингот на овој уред е врвен и функционира беспрекорно, а Samsung има совршени софтверски решение да ги завршите апсолутно сите задачи како да седите со најбрзиот десктоп компјутер.

Таскбарот е унапреден, поради што брзото префрлање помеѓу често користените апликации е уште поедноставно. За поефикасна работа сега се достапни до четири последно користени апликации, а содржините лесно може да се префрлуваат од една на друга со повлекување со прстот – drag and drop. Или, на пример, моете да отворите три апликации по желба и да работите истовремено си нив, а потоа да ја сочувате таквата комбинација, за да стартувате со еден клик. Исто така, апликацијата преку скриениот pop-up може да продолжи да работи во позадина.

И покрај интензивното користење со мултитаскинг, како и користењето на големиот екран, батеријата нема да претставува проблем. Без размислување, ќе ви трае цел ден, а со поумерена употреба може навечер да останате и на 30% капацитет.

Во однос на камерите, Galaxy Z Fold 5 има пристојна хардверска поставка – 50MP главна камера, 10MP 3x телефото и 12MP ултраширокоаголна камера. Одвнатре е сместена е и 4MP камера која може да се користи за видеио повици. Боите се доста живи, а портрет режимот е одличен и впечатлив. Нема некој помоќен зум, но ни тоа не е некој преголем проблем. За видео снимање, Samsung обезбедува квалитет на снимки во 8К резолуција. Камерите се чекор зад оние кај Galaxy S23 Ultra, кој е и значително поевтин. Но, повторно потсетување, Galaxy Z Fold 5 е направен за многу повеќе од само фотографирање.

Samsung Galaxy Z Fold5 е достапен за купување во Македонија по препорачана малопродажна цена од 113.999 денари, а може да се најде ледено сина, фантомска црна и крем боја, заедно со разновидни футроли кои нудат практичност и стил, вклучително и тенка футрола за S пенкало, Clear Gadget Case, Eco-Coer case и стоечка футрола со ремен.

За да дознаете повеќе за Galaxy Z Flip5 и Galaxy Z Fold5, посетете ја страницата https://www.samsung.com/mk/smartphones/galaxy-z/.

ТЕХНИЧКИ СПЕЦИФИКАЦИИ