Американската вселенска агенција NASA го објави долго очекуваниот извештај за неидентификувани воздушни феномени (UAP), што е новото име за неидентификувани летечки објекти (НЛО).
Вчера почна дискусија во која учествуваа администраторот на NASA, Бил Нелсон, Никола Фокс и Ден Еванс од Дирекцијата за научна мисија на NASA и Дејвид Спергел, шеф на истражувачкиот тим на UAP.
Спергел рече дека истражувањето на UAP е како да барате игла во стог сено.
„Барањето аномалии е како да бараш игла во стог сено, а ако сакаш да ја најдеш имаш два избора. Или точно знаеш како изгледа и правиш филтер за препознавање или не знаеш што да бараш “, рече тој.
Нелсон рече дека вештачката интелигенција е една од главните алатки што може да помогне во проучувањето на UAP.
Покрај тоа, тој и другите панелисти наведуваат дека клучот за истражувањето е дестигматизирање на известувањето за UAP, така што луѓето можат без страв да пријават невообичаени појави на небото.
„Треба да го преместиме истражувањето на UAP од областа на сензационализмот во областа на науката“, нагласи Нелсон.
Ова, објасни тој, е една од причините поради која е избран научниот термин UAP наместо НЛО. Исто така, додаде тој, сите податоци од истражувањето на НАСА се достапни за сите ширум светот.
Во вештачењето се наведува дека многу извештаи за НЛО неодамна доаѓаат од веродостојни сведоци, главно воени пилоти.
Тие известуваа за тоа како набљудувале предмети кои не се препознаваат на небото на САД. Многу од овие настани се објаснети, но некои не се идентификувани.
„Немаме докази дека се работи за вонземска технологија, но не знаеме кои се овие феномени“, рече Нелсон одговарајќи на прашања.
„Доколку откриеме дека тие имаат врски со вонземјани, тоа ќе го објавиме јавно“, додаде тој.
„Нема докази кои сугерираат дека UAP се од вонземско потекло“, повтори шефот на истражувачкиот тим Дејвид Спергел.
Никола Фокс рече дека UAPs, попознати како НЛО, се една од најголемите мистерии на Земјата.
Разбирањето на неидентификуваните воздушни феномени е критично за НАСА од неколку причини, рече Ден Еванс од Дирекцијата за научна мисија на NASA.
„Присуството на UAP е сериозна грижа за безбедноста на нашето небо и наша должност е да откриеме дали овие феномени се потенцијална закана“, рече тој.
Нелсон вели дека засега нема докази дека UAP се поврзани со вонземјани, но тие ќе продолжат да истражуваат.
NASA ќе назначи директор за истражување на неидентификувани воздушни феномени, најави тој.
„NASA трага по знаци на живот. Во нашата ДНК е да бараме и да се прашуваме зошто работите се случуваат така како што се случуваат. Затоа НАСА организираше тим од научници да го истражат UAP“, рече Бил Нелсон, администратор на агенцијата.
Тој додаде дека постои глобална фасцинација со UAP, но дека досега има многу малку податоци за да се извлечат информации за нив.
NASA верува, додаде тој, дека има живот во галаксијата и верува дека во одреден момент таа ќе открие уште една населива планета слична на Земјата.
