Новите модели на паметни телефони на Apple – iPhone 15, iPhone 15 Plus, iPhone 15 Pro и iPhone 15 Pro Max пристигнаа на македонскиот пазар, а од денеска официјално почна нивната продажба во единствениот Apple Premium Reseller во Македонија, iSTYLE, чии продавници се лоцирани во трговските центри Скопје Сити Мол и Ист Гејт Мол.
ФОТО: Биљана Горгиевска
iPhone 15 се нуди во пет бои (црна, сина, зелена, розева и жолта), а ќе се продава во верзии со 128, 256 и 512 GB простор за складирање. Неговите цени се движат од 63.690 денари, колку што е потребно да се издвои за верзијата со 128 GB, 72.590 денари за 256 GB и 89.490 денари за верзијата со 512 GB. Поголемиот Plus модел во верзијата со 128 GB може да се набави по цена од 73.890 денари, моделот со 256 GB чини 82.690, додека за верзијата со 512 GB треба да се издвои 99.590 денари.
iPhone 15 Pro и iPhone 15 Pro Max се достапни во четири бои (титаниум натурал, титаниум сина, титаниум црна и титаниум сребрена) со капацитет на меморијата од 128 GB, 256 GB, 512 GB и 1 TB. Цените на iPhone 15 Pro изнесуваат 80.690 денари за верзијата со 128GB, 89.490 за моделот со 256GB, 114.390 денари за верзијата со 512GB и 123.190 денари за моделот со 1 TB простор за складирање. Основата верзија на iPhone 15 Pro Max има 256 GB и се продава по цена од 97.490 денари, моделот со 512 GB за 114.390, iPhone 15 Pro Max со 1 TB простор чини 131.290 денари.
Заедно со новите смартфони од iPhone 15 серијата, во продавниците на iSTYLE пристигнаa и новите паметни часовници на компанијата – Apple Watch Series 9 и Apple Watch Ultra 2. Watch Series 9 (GPS алуминиум) во 41 мм верзија чини 28.290, поголемиот 45 мм модел се продава по цена од 30.190 денари, додека втората генерација на Apple Watch Ultra изработен од титаниум може да се набави за 56.690 денари.
Аpple ги објави iPhone 15 Pro и 15 Pro Max со титаниумски дизајн, Аction копче и A17 Pro чип
Apple ги претстави iPhone 15 и 15 Plus со Dynamic Island и USB-C приклучок
Apple го претстави Watch Series 9 и Watch Ultra 2 со побрз S9 чип и посветол екран