Компанијата Google продолжи да објавува реклами под хаштагот #BestPhonesForever, најавувајќи дека претстојните телефони Pixel 8 и Pixel 8 Pro ќе бидат „одлични и полни со AI технологија“.
Google има намера да ги претстави двата нови смартфони на 4 октомври, а новото видео ги прикажува iPhone 15 Pro или Pro Max заедно со Pixel.
Според Google, iPhone во споредба со неговиот претходник има само различно копче за исклучување на звукот, подинамичен модул за камера и нов приклучок за полнење, а поради тоа смартфонот на Apple е „исплашен“ бидејќи Pixel 8 Pro би можел да биде поиновативен и да ја добие „најдобрата вештачка интелигенција“, што и да значи тоа.
Поради тоа iPhone 15 се „плаши“ од споредба на дизајнот, камерата и технологијата за вештачка интелигенција откако Pixel 8 ќе се појави на пазарот.