Во среда Google ќе ја претстави својата нова Pixel 8 серија паметни телефони и паметниот часовник Pixel Watch 2. Веќе се познати доста детали за овие уреди, а сега ја дознаваме и проценетата цена на часовникот во Европа.
Податоците се од Dealabs и укажуваат дека Wi-Fi верзијата на Pixel Watch 2 ќе чини 399 евра, а LTE верзијата ќе чини 449 евра. Тоа би било зголемување за 20 евра во однос на претходната генерација.
Новиот часовник секако ќе понуди голем број подобрувања, вклучително и во однос на читањето на отчукувањата на срцето и нивото на стрес. Дополнително, ја очекуваме Safety Check функционалноста, која ќе провери дали корисникот е добро и може да контактира со помошните пултови.
Моделот ќе користи Qualcomm W5+ Gen 1 чипсет, што значи подобри перформанси и можеби поиздржлива батерија.