Покрај способностите за вештачка интелигенција, Chromebook Plus нуди и вградени апликации на Google прилагодени за лаптопите, кој ги оптимизираат хардверските перформанси со софтверски апликации и алатки
Google за новите уреди ветува повеќе RAM меморија, подобри екрани, дополнителна меморија и помоќни процесори за почетна цена од приближно 400 евра, се наведува во официјалното соопштение.
Во прашање се осум нови лаптопи, и тоа од Acer (Acer Chromebook Plus 515, Acer Chromebook Plus 514), Asus (Asus Chromebook Plus CM34 Flip, Asus Chromebook Plus CX34), HP (HP Chromebook Plus 15,6 inča, HP Chromebook Plus x360 14 inča) и Lenovo (Lenovo Flex 5i Chromebook Plus, Lenovo Slim 3i Chromebook Plus) со минимални спецификации како процесор Intel Core i3 12 Gen или AMD Ryzen 3 7000 серија (или подобар), најмалку 8 GB RAM, минимално 128 GB простор за складирање, веб-камера од 1080p и Full HD IPS (или подобар) дисплеј.
Новите функции нема да бидат резервирани само за уредите наведени овде, туку и некои постоечки Chromebook компјутери ќе добијат ажурирање на оперативниот систем, што ќе ги вклучи подобрените функции што се наоѓаат Chromebook Plus уредите, што се очекуваат во наредните недели.
Софтверски можности
Вештачката интелигенција вградена во новите Chromebook уреди ќе може да се користи за помош при (видео) повици со откажување на бучавата во позадина и заматување на позадината, а работи без оглед на тоа која апликација за видео повици се користи (Google Meet, Zoom, Microsoft Teams или други).
Дополнително, новите уреди ќе овозможат работа со широк опсег на проекти користејќи вградени апликации на Google, како и креативни алатки како Adobe Photoshop, Adobe Express и LumaFusion.
На пример, Google Photos на Chromebook Plus содржи AI Magic Eraser за лесно отстранување на шумот од сликите, како и интелигентно давање предлози. Сето ова со HDR ефекти за подобрување на осветленоста и контрастот и можноста за додавање замаглување на портрет на постоечките фотографии.
Од практичната страна и користењето во движење, па дури и кога нема стабилна врска на интернет, постои File Sync, што ги прави фајловите од Google Drive секогаш достапни со автоматско преземање на уредот.
Што се однесува до САД, Chromebook Plus уредите е можно да се нарачаат од продавниците како што се Best Buy, Amazon, Walmart и Target почнувајќи од 8 октомври 2023 година, додека во Канада и Европа ќе бидат достапни од 9 октомври годинава.