Компанијата Honor вчера го лансираше новиот смартфон на преклопување во Кина – Magic Vs2. Овој модел се чини дека е наследник на минатогодишниот Vs и на некој начин се надоврзува на него.
Новиот уред е прилично тенок со 5,1 мм кога е расклопен и 10,7 мм во преклопена сположба. Се базира на нова рамка изработена од легура на магнезиум и механизам за преклопување на титаниум, што овозможува ограничување на тежината на 229 g.
Преклопниот дисплеј е подобрен LTPO OLED со дијагонала од 7,9 инчи, адаптивна стапка на освежување од 1 до 120 херци, сооднос од 9,8:9 и поддршка за HDR10+. Има и поддршка за пенкало на двата екрани, а се карактеризира и со отвори за селфи камера од 16 MP. Што се однесува до надворешниот дисплеј, тој е исто така LTPO, но со дијагонала од 6,43 инчи, фреквенција од 1 до 120 херци, сооднос од 20:9 и врвна осветленост од 2500 нита.
Новиот модел го покренува Snapdragon 8+ Gen 1 чипсет со 12/16 GB RAM и 256/512 GB за складирање податоци. Батеријата е со две ќелии и има капацитет од 5000 mAh, поддржувајќи технологија за брзо полнење до 66 вати.
Главната камера вклучува главен сензор од 50 MP, телефото објектив од 20 MP за зумирање 2,5x и ултраширок објектив од 12 MP. Во однос на софтверот, тој е базиран на Android 13 со MagicOS 7.2, кој додава некои оптимизации за работа со големиот екран.
Моделот е достапен во црна, сина и виолетова боја со цени кои се движат од 908 евра до 999 евра.
