Ако сте сопственици на Google Pixel смартфон, најверојатно наскоро ќе забележите интересна промена. Google го промени името на апликацијата Google Camera во Pixel Camera на Play Store.
Актуелната верзија за претходните модели е 9.0, а новата генерација на Pixel 8 е верзијата 9.1. Ова важи за уредите со Android 14. Освен оваа промена, Google воведува и нов приказ за споделување во Google Photos, одно ќе се прикаже опција за избор на повеќе слики.
Тука е и брзиот пристап до алатката Markup, а во долниот дел се наредени различни активности, вклучувајќи ги Create Link, Send in Photos и Add to Album. Подолу се опциите за директно споделување и во најчесто користените апликации.
Новиот екран за споделување е достапен за верзијата 5.65 на апликацијата Google Photos за Pixel смартфоните со Android 14. Доста е веројатно дека оваа промена нема да пристигне до моделите со постарите верзии на Android.