Мнозинството корисници на Google Maps се против промените кои се имплементирани и сакаат да се вратат во претходната состојба.
Google Maps сега ја прикажува својата нова палета на бои на повеќе корисници, а корисниците се прилично вознемирени. Иако ова не се драстични промени, новите бои на Google Maps ги изненадија корисниците и направија да се чувствуваат непријатно.
Има се повеќе објави на Reddit и на платформата Xпротив новиот избор на бои на Google.
Патиштата, кои некогаш беа обележани со бело, сега се сиви. Сината боја која ги означувала областите со вода сега е значително побледа, додека пошумените области се потемно зелени од порано. Индикаторот за маршрутата сега е многу посветол и несоодветно син.
New #Google Maps color palette. pic.twitter.com/I0FVhIhfCg
— SaberTech (@Saber_Tech_11) November 19, 2023
„Не сум обожавател. Не ми се допаднаа дури и кога ги видов пред околу една недела. Не ми се лесни за читање. Би се вратил на старите бои ако можам“, вели еден корисник на Reddit.
Корисниците откриваат дека патиштата сега се потешко да се видат на Google Maps, ако не зумирате доволно.
Една од најголемите забелешки е тоа што новите бои ги отежнуваат деталите за гледање на мапата, бидејќи се измиени.
Не е познато зошто Google одлучи да ги промени боите за Maps, но можеби коментарите на незадоволните корисници ќе ја принудат компанијата да се врати на претходните бои.
