Линијата лаптопи на Dell за 2024 година е подготвена за саемот CES во Лас Вегас, вклучувајќи ги целосно новите модели XPS 14 и 16, како и нови Alienware лаптопи
Новото протекување информации ни покажува дека поставата на Dell за 2024 година е подготвена за традиционалниот CES во Лас Вегас, вклучувајќи ги целосно новите модели XPS 14 и 16, како и новите лаптопи Alienware.
Како што се приближуваме до крајот на годината, CES 2024 е се поблиску, а со него доаѓаат и еден тон нови информации за премиум лаптопи од сите производители на компјутери. Новите информации ни даваат увид во она што компанијата го планира за наредната година кога станува збор за нивните водечки производи. Најзначајно е што XPS серијата ќе дожиувее значителни промени по неколку години стагнација, со воведувањето на XPS 14 и XPS 16.
Нови модели во Dell XPS линијата – XPS 13, 14 и 16
Најрвин тук а е XPS линијата, најпознатите лаптопи на Dell. Информациите од Windows Report укажуваат дека XPS 13 ќе добие „благо освежување“, задржувајќи го истиот дизајн како и претходниот модел. Треба да се напомене дека XPS 13 не е ажуриран за 2023 година, бидејќи Intel не произведе процесор од 9W што ќе го замени оној што се користи во моделот од 2022 година, па дури и едноставната надградба на спецификациите е добра вест.
Извештајот укаува на нов лаптоп Dell XPS 14 со дијагонала на екранот од 14 инчи. Лаптопот изгледа слично на XPS 13 Plus, но се истакнува дека овој нов модел ги има најновите Intel процесори и Nvidia GPU, нешто што претходно можеше да се добие со XPS 15.
Конечно, тука е Dell XPS 16, уште еден целосно нов член на линијата, кој се чини дека ќе го замени XPS 17 од претходните години. Сè што е споменато е дека овој модел ќе ги има претстојните Intel Core Ultra процесори и графика од серијата Nvidia GeForce RTX 40, што ќе го направи најмоќен од XPS семејството.
Се чини дека Dell XPS 14 и XPS 16 ќе користат сличен дизајнерски јазик, што ќе доведе до конечно модернизирање на изгледот на поголемите лаптопи на Dell. Иако компанијата ги претстави целосно новите XPS 13 и 13 Plus во 2021 година, XPS 15 и 17 изгледаа идентично веќе неколку генерации, така што ова е добредојдена промена на дизајнот.
Dell линијата за 2024 година ги вклучува и новите гејминг лаптопи Alienware, и главно се работи на освежувања на претходните модели. Новата серија ги вклучува Alienware m16 R2, m18 R2 и x16 R2, кои се наследници на лаптопите лансирани во 2023 година.
Новите 16-инчни модели ќе содржат Intel Core Ultra H процесори и Nvidia графика, иако изгледа дека Alienware m18 R2 ќе користи процесори кои не го носат новиот бренд Core Ultra.
Многу е веројатно дека компанијата ќе ги користи процесорите од HX серијата на Inte;, кои се базираат на десктоп делови, а со тоа и на Raptor Lake Refresh, кој беше лансиран пред неколку недели. Овaa postava сè уште не го користи новиот бренд на Intel.
Една работа која се споменува во извештајот е дека Alienware m16 R2 (а веројатно и други модели) ќе имаат „Stealth Mode“, кој според извештајот, „беспрекорно преминува од гејминг во продуктивност“. Врз основа на името на функцијата, се чини дека ова може да значи забавување на процесорот и графичкиот процесор за да се намали бучавата од кулерите, кога лаптопот се користи за помалку тешки задачи. Сепак, нема јасни индикации во ниту една насока.