Се поблиску сме до премиерата на Galaxy S24 серијата која ја очекуваме кон средината на јануари, поради што се повеќе информации протекуваат за претстојните уреди. Неодамна видовме компјутерски генерирани рендери кои сугерираа дека не може да очекуваме многу дизајнерски изненадувања, а сега можеме да видиме нови фотографии од наводно, вистински Galaxy S24 Ultra уред.
Фотографиите пристигнуваат од тајванската публикација Sogi и покажуваат споредба на Galaxy S24 Ultra со Galaxy S23 Ultra, за да можеме да видиме некои од разликите. Објавата подоцна беше избришана, но не пред фотографиите да станат вирални.
Како што можете да се види, Galaxy S24 Ultra е во голема мера сличен на неговиот претходник, но сепак разликите се забележливи. На пример, долниот звучник сега е зад издолжениот отвор, а врвот на S Pen сега е рамен наместо заоблен.
На горната страна сега има два отвора наместо еден (веројатно за микрофони), а дополнително забележуваме дека страничните копчиња се малку пошироки. Текстурата на рамката изгледа малку поинаку и тоа веројатно се должи на употребата на титаниум за рамката на уредот, наспроти досегашната рамка од алуминиум. Самата рамка изгледа пошироко бидејќи Samsung ја намали закривеноста на дисплејот.
