Honor се подготвува да ја претстави својата нова водечки серија паметни телефони наречена Magic6.
Дојавувачот Digital Chat Station известува дека серијата ќе се состои од три паметни телефони, основниот модел, Pro и Ultimate, а компанијата работи и на моделот Porsche Design кој може да биде замена за Ultimate.
Смартфоните ќе имаат две селфи камери сместени во овален отвор на екранот, а од компанијата велат дека станува збор за „среден, голем и екстра голем“ уред. Средниот и големиот имаат кружен модул за камера, додека Ultimate моделот ќе има нешто измеѓу круг и четириаголник, исто како и Magic5 Ultimate. Тоа всушност би можел да биде нов Porsche Design или сосема нов паметен телефон.
Porsche Design е студио основано од истиот човек кој го дизајнираше првиот Porsche 911 во шеесеттите години на минатиот век. Во светот на мобилните телефони, ова студио направи неколку BlackBerry телефони пред да се здружи со Huawei и да соработува повеќе од седум години.
Honor сега прави нов чекор на патот „ученикот да стане учител“.
Компанијата е веќе лидер на пазарот на паметни телефони во Кина, а сега го презема партнерството со Porsche Design од својот некогашен сопственик.