E3 саемот на ESA беше култно место за девелоперите и издавачите на игри да се вмрежуваат и јавно да ги објавуваат игрите на кои работеле, но повеќе нема да постои
Entertainment Software Association (ESA), организатор на Е3 саемот за индустријата на видео игри, потврди дека Е3 е мртов и дека нема намера да го повтори настанот.
„По повеќе од две децении служење како централна платформа за презентација на видео игри, ESA одлучи да стави крај на E3“, објави ESA на социјалната мрежа X. „ESA останува фокусирана на застапување на своите членки и работната сила во индустријата што секојдневно создава позитивно културно и економско влијание“.
— E3 (@E3) December 12, 2023
Е3, што значи Electronic Entertainment Expo беше масовен настан во живо, најчесто одржуван во Лос Анџелес од 1995 до 2019 година. Тоа беше култно место каде што девелоперите и издавачите на игри се вмрежуваа и јавно ги објавуваа игрите на кои работеа. Во последните три години од своето постоење, Е3 беше отворен и за јавноста.
Summer Game Fest е замена за E3 и повторно ќе биде одржан следната година
Кога светот беше погоден од пандемијата на Ковид-19, Е3 саемот во 2020 беше откажан и оттогаш никогаш не закрепна. Во 2021 година се врати како слаб дигитален настан, додека изданијата на саемот во 2022 и 2023 година беа откажани. На почетокот на оваа година, ESA и ReedPop го завршија своето партнерство работејќи на E3, но ESA беше цврсто отворена за иднината на шоуто во тоа време. Сега е јасно дека Е3 не се враќа.
Претседателот и извршен директор на ESA Стенли Пјер-Луис откри повеќе зборувајќи за Вашингтон пост. „Имаше обожаватели кои беа поканети да присуствуваат во подоцнежните години, но навистина се работеше за маркетинг и бизнис модел за индустријата и можност да му дадат на светот информации за нови производи. Компаниите сега имаат пристап до потрошувачите и деловните односи преку различни средства, вклучувајќи ги и нивните сопствени настани“, објасни Пјер-Луј.
На крајот, коментарите на ESA покажуваат дека непрофитната организација смета дека E3 сега е помалку неопходен кога компаниите можат да организираат свои физички и дигитални настани за да објавуваат нови игри.
По два неуспешни обиди повторно да се организира во живо, организацијата целосно се откажа од оваа идеја. Иако нема да има E3 во 2024 година, Џеф Кили веќе потврди дека Summer Game Fest, неговата замена за E3, што првпат се појави за време на пандемијата, повторно ќе биде одржана следната година.
