Планот на компанијаата Microsoft да ја прекине поддршката за оперативниот систем Windows 10 може да доведе до фрлање на околу 240 милиони компјутери во ѓубре.
Според извештаите, електронскиот отпад од овие компјутери би можел да тежи околу 480 милиони килограми, што е приближно исто како и 320.000 автомобили, според Canalys Research.
Додека многу компјутери би можеле да бидат функционални со години по завршувањето на поддршката за Windows 10, Canalys предупредува дека побарувачката за уреди без безбедносни ажурирања може да биде мала, објави Reuters.
Microsoft објави план за обезбедување безбедносни ажурирања на уредите со Windows 10 до октомври 2028 година по сè уште необјавена цена.
Ако структурата на цените за проширена поддршка за Windows 10 ги одразува минатите трендови, мигрирањето на понови компјутери може да биде поисплатливо, велат од Canalys.
Microsoft има за цел да ја прекине поддршката за Windows 10 до октомври 2025 година, а оперативниот систем од следната генерација се очекува да донесе напредна технологија за вештачка интелигенција на компјутерите.
