Во пресрет на годинашниот CES 2024 саем, кој започнува денеска, LG го претстави најбрзиот OLED екран досега, нудејќи време на одзив од 0,03 ms и висока стапка на освежување од 480 Hz.
Станува збор за 27-инчен дисплеј со 1440p резолуција, кој наскоро би можел да се користи во гејминг мониторите од високата класа.
Како што пренесува The Verge, новиот екран на LG е уште подобар и од оној во 32-инчниот OLED „Dual-Hz“ гејминг монитор што компанијата го објави минатиот месец. Имено, од компанијата велат дека доаѓа со нивната META технологија која би требало да понуди подобра осветленост и пошироки агли на гледање, а наводно емитувa i најниско ниво на сина светлина во индустријата.
Сепак, треба да се забележи дека стапката на освежување ќе достигне високи 480 Hz само ако екранот се користи во Full HD резолуција. Повеќе информации ќе бидат познати на годинaшниот CES кога LG ќе претстави сосема нова линија на OLED гејминг екрани од 27 до 45 инчи.
