Просторниот компјутер Vision Pro на Apple можеби ќе биде тешко да се најде за купување веднаш откако ќе биде пуштен во продажба, изјави познатиот аналитичар на TF International Securities, Минг-Чи Куо.
Apple ќе произведе само помеѓу 60.000 и 80.000 примероци од уредот, кој ќе се продава по цена од 3.499 долари за неговото лансирање на 2. февруари, објави Куо на социјалните мрежи. Тој предвидува дека овие примероци брзо ќе се распродадат. За споредба, аналитичарите велат дека Apple обично продава околу 225 милиони iPhone уреди годишно.
Предвидувањето доаѓа од еден од најдобрите аналитичари на синџирот на снабдување на Apple, кој нагласува колку необично и ограничено ќе биде дебито на првиот голем производ на технолошкиот гигант по Apple Watch.
Apple го претстави уредот уште летоска за време на WWDC конференцијата, а претходно овој месец соопшти дека преднарачките започнуваат непосредно пред лансирањето на производот во САД во февруари, што укажува на контролирана и ограничена дистрибуција. Apple не одржа втор настан за лансирање на производи за да обезбеди дополнителни појаснувања.
Аналитичарите на Волстрит не веруваат дека Vision Pro ќе има значаен ефект врз приходите од продажба на Apple на краток рок, но ќе ја следат реакцијата на потрошувачите за прогнозата на продажбата на идните верзии на очилата.
Едно од големите прашања во моментов е за што луѓето би ги користеле Vision Pro. Минатото лето, демонстрациите на Apple го прикажуваа како замена на лаптоп, гледање 3D филмови и гледање панорамски средини.
Фановит на Apple веројатно ќе го поскауваат уредот во секој случај, што ќе биде причина што достапните уреди брзо се распродаваат, смета Куо.
Vision Pro го означува почетокот на првата нова категорија производи на Apple од лансирањето на Apple Watch во 2014 година. Уредот користи повеќе камери и сензори за прикажување на реалниот свет, со интегриран софтвер на Apple, сето тоа видливо на модерните внатрешни екрани на очилата. Уредот бара одредено прилагодување за секој корисник, вклучително и поставување леќи за луѓе кои носат очила.
Apple се подготвува за лансирање на производот со испраќање е-пошта до клиентите во кои им кажува дека можат да го тестираат уредот. Исто така, ги поканува програмерите да го прикачат нивниот софтвер за очилата, па дури и објави реклама во САД минатата недела.
