Honor го покажа смартфонот на преклопување Magic V2 во Европа за време на IFA саемот во септември, а неколку месеци подоцна е подготвен да открие детали за цената на уредот на Стариот континент. Неколку дена откако Magic V2 RSR Porsche Design беше претставен во Кина, сега знаеме дека Magic V2 ќе биде пуштен во продажба во Европската унија на 26 јануари.
Компанијата ќе го понуди смартфонот во црна и виолетова боја со 16 GB RAM и 512 GB простор за складирање по цена од 1.999 евра. Продажбата првично ќе започне преку онлајн продавницата на компанијата во неколку европски земји, а засега нема информации дали Magic V2 ќе биде достапен и преку други комерцијални канали. Honor нуди и различни бонуси при нарачка на уредот, кој ќе биде достапен помеѓу 26 јануари и 29 февруари.
Тие вклучуваат бесплатна футрола со текстура од јаглеродни влакна и паметен часовник Honor Watch 4. Покрај тоа, корисниците ќе можат да додадат полнач од 66 W за 1 еврп, а компанијата исто така додава и една бесплатна поправка на екранот во текот на првите 12 месеци по купувањето .