Компанијата Samsung на својот Unpacked настан ја претстави новата Galaxy S24 серија смартфонои, но на крајот на настанот ја објави и следната голема работа, а тоа е Galaxy Ring.
Станува збор за „паметен“ прстен, кој ќе ги содржи најновите иновации на Samsung фокусирани на здравјето и ќе ги интегрира во сосема нова форма. Тоа ќе биде „моќен и достапен уред фокусиран на health и wellnes што ќе ја промени иднината на здравјето на начин на кој тоа го може само Samsung“. Токму тоа беше истакнато на сцената при објавувањето на Galaxy Ring.
Прстенот е кружен и во црна боја, барем на прикажаниот тизер, а се очекува да биде претставен подоцна оваа година. Можно е да пристигне на пазарот со новата генерација смартфони на преклопување на Samsung во јули.
Galaxy Ring се очекува да следи различни здравствени параметри и да го информира корисникот со вибрации и известувања. Со оглед на фактот дека нема екран, неговата батерија би требало да трае подолго од онаа кај паметните часовници.