Виџетите се меѓу добро познатите функционалности на Android од многу одамна. Преку нив, можете лесно да го приспособите главниот екран на вашиот паметен телефон или таблет, a обезбедуваат и брз пристап до различни информации, што е погодност за корисниците.
Сега, во новата Android 15 бета верзија, има индикации дека виџетите може да стигнат и до заклучениот екран. Во моментов не постои таква опција, но потенцијално може да биде доста корисна.
Во блиска иднина, може да се појави во една од двете форми. Првата е како посветена област која е достапна со лизгање и дава пристап до област со избрани додатоци. Постои шанса промената да влијае само на уредите со поголеми екрани, како на пример таблетите, но тоа останува да се види.
Друга можна опција за враќање на виџетите на заклучениот екран е преку функцијата „At a Glance“. Оваа функционалност ќе им биде позната на корисниците на Pixel уредите и во овој случај може да поддржува различни информативни мапи.
Додавањето нови можности на заклучениот екран сигурно ќе биде корисна промена. Се надеваме дека Google ќе го направи овој потег не само за сопствените уреди, туку и за системот како целина.