Компанијата Honor денеска во Porsche Experience Center во Лајпциг го претстави најтенкиот преклопен смартфон во светот Magic V2, кој конечно ќе може да се купи во Европа.
Лајпциг – Откако во Кина ја одржа премиерата на својот најтенок паметен телефон во Кина во јули 2023 година, конечно и корисниците во Европа ќе можат да ги искусат сите негови можности. Европската премиера на Honor Mgic V2 се одржа во Porsche Experience Center во Лајпциг и тоа со добра причина. Имено, Honor веќе најави заедничка соработка со Porsche, па на пазарот ќе биде достапен специјално дизајнираниот Porsche Design Honor Magic V2 RSR, кој претставува комбинација на технологијата на Honor и дизајнот на Porsche.
Ексклузивно фото за Конект.мк: Ана Лаѓаревиќ
Honor го развива својот преклопен смартфон веќе две години, па не е изненадување што Magic V2 вклучува повеќе од 201 технолошки иновации – од тенка батерија, систем за ладење, дисплеј, звучник итн. Со своите 231 грам и дебелина од 9,9 милиметри, и батерија од 2,72 милиметри и со капацитет од 5000 mAh, навистина е најтенкиот телефон со преклопување на пазарот.
Покрај тоа, на претставувањето во Лајпциг Honor посвети посебно внимание на употребата на нови материјали во конструкцијата на самиот телефон. Куќиштето е исто така направено од легура на титаниум која е 3D печатена во форма на преклопен телефон.
Сето тоа ја условуваше неговата издржливост, што е потврдено со сертификатот SGS, што значи дека гарантирано ќе издржи повеќе од 400.000 преклопувања.
Honor Magic V2 има систем со тројна камера на задната страна што вклучува главна камера од 50 MP (f/1.9), ултраширока камера од 50 MP (f/2.0) и телефото камера од 20 MP (f/2.4). Од предната страна е сместена двојна камера од 16 MP (f/2.2) за селфи и видео повици.
Уредот исто така поддржува технологија за затемнување PWM од 3840 Hz, што го минимизира напрегањето на очите. Исто така, воведувањето на Dual Tasking Efficiency овозможува работа во повеќе апликации истовремено.
Елеганција на Porsche Design Honor Magic V2 RSR
Honor ја зачини европската премиера на својот телефон на преклопување со специјална верзија која ќе биде интересна за љубителите на спортски автомобили. Верзијата Porsche Design Honor Magic V2 RSR го дели дизајнот со познатите спортски автомобили. Линијата на задната страна на овој телефон потсетува на хаубата на Porsche 911, како и на препознатливата боја на Porsche Agate Grey.
Honor и Porsche Design заеднички го рафинираа изборот на материјали за да создадат тенок и лесен уред со првиот во индустријата NanoCrystal Shield против гребење, кој десеткратно ја подобрува отпорноста на гребење и тврдоста на екранот со оцена поголема од седум на скалата Мохс, што укажува на степен на цврстина на материјалот – обезбедува супериорна отпорност на оштетување.
Цена и достапност
Honor Magic V2 е достапен во црна PU боја (веганска кожа) на европскиот пазар по препорачана малопродажна цена од 1999 евра. Што се однесува до Porsche Design Honor Magic V2 RSR, Honor засега не ја открива цената. Како што истакна претседателот на Honor for Europe, Тони Ран, цената ќе биде откриена кога ќе дојде време.
Ексклузивно фото за Конект.мк: Ана Лаѓаревиќ