Samsung Galaxy S24 серијата претставена во Македонија: Galaxy AI пристигна!

Samsung Galaxy S24 серијата засилена со вештачка интелигенција (AI) денеска официјално беше лансирана на македонскиот пазар под слоганот „Galaxy AI пристигна“

Текст и фото: НИКОЛА БУРАГЕВ

По глобалната премиера на медиумскиот настан Galaxy Unpacked, кој на 17 јануари се одржа во Сан Хозе, денеска во Скопје официјално беше претставена новата Samsung Galaxy 24 серија, која ги содржи моделите Galaxy 24, Galaxy 24+ и најмоќниот Galaxy 24 Ultra. Новите смартфони со иновативни функции привлекоа големо внимание и предизвикаа воодушевување меѓу гостите на промоцијата во ресторанот „Ботаника“. На официјалното претставување, само 12 дена по светската промоција, присутните имаа прилика да ги испробаат новите уреди на Samsung од Galaxy S24 серијата, кои не воведуваат во новата ера на мобилни теелфони и го збогатуваат нашето секојдневно искуство на користење.

Најистакнати новитети во новите уреди се функциите со вештачката интелигенција Galaxy AI, со кои корисниците добиваат фантастични нови можности да ги користат овие телефони на интелигентен, полесен и побрз начин како никогаш досега, без разлика да тоа го прават заради потребата од секојдневна комуникација, забава или за поголема продуктивност во работата.

Вештачката интелигенција го подобрува речиси секое искуство на Galaxy S24 серијата , од овозможување комуникација без пречки со интелигентни преводи на пораки и повици до зголемување на креативната слобода со ProVisual Engine на Galaxy за поставување нов стандард за пребарување што ќе го промени начинот на кој корисниците на Galaxy го откриваат светот околу нив.

Galaxy AI воведува значајна интелигенција насочена кон подобрување на секој дел од животот, особено на најфундаменталната улога на телефонот: комуникацијата. Кога треба да комуницирате пркосејќи на јазичните пречки, Galaxy S24 ви овозможува тоа да го направите полесно од кога било. Разговарајте со студент или колега од странство. Направете резервација додека сте на одмор во друга земја. Сето тоа е можно со Превод во живо (Live Translate), двонасочни, гласовни и текстуални преводи на телефонски повици во реално време во локална апликација.

Galaxy S24 моделите означуваат пресвртница во историјата на пребарувањето како први што воведуваат интуитивно Пребарување со заокружување (Circle to search) управувано со гестикулации со Google. За да им даде на корисниците на Galaxy неверојатна нова алатка, Galaxy се обрати до светскиот лидер во пребарувањето, Google, и отвори нови форми на откривање со едноставна гестикулација.

Нарачајте први и заштедете!

Искористете го периодот за преднарачка кој трае до крајот на месецов и нарачајте еден од новите модели Galaxy S24, Galaxy S24+ и Galaxy S24 Ultra и заштедете до 7.500 денари, бидејќи добивате двојно повеќе меморија по цена на основната варијанта. Повеќе за промоцијата прочитајте тука.