Поставеноста на камерите кај iPhone 16 и iPhone 16 Plus потсетува на изгледот од iPhone X во 2017 година
Дури и пред да биде лансиран iPhone 15, имаше гласини дека iPhone 16 да добие нов модул за задна камера со леќите поставени вертикално наместо дијагонално. Гласините добија поголема важност по објавувањето на iPhone 15 Pro, кој може да снима просторни видеа за Vision Pro благодарение на новиот аранжман на камерите. Сега, се чини дека наводната шема на iPhone 16 ги потврдува овие гласини.
Шемите на iPhone 16 споделени од Majin Bu на мрежата X покажуваат дека Apple навистина размислува да го промени дизајнот на камерата на основните iPhone 16 модели за да ги усогласи леќите вертикално. Со iPhone 15 Pro и 15 Pro Max, Apple ја промени положбата на објективите, така што широкиот и ултраширокиот сензор се порамнети кога телефонот е во режим на пејзаж.
Ова му овозможува на iPhone 15 Pro да снима просторни видеа користејќи ги двата објективи. Иако овие видеа изгледаат како обични видеа на iPhone, корисниците можат да ги гледаат во 3D на Vision Pro. Доколку гласините се вистинити, iPhone 16 моделите на кои не се Pro, ќе имаат можност да снимаат и просторни видеа.
Повикувајќи се на свои извори, MacRumors тврди дека шемите споделени од Majin Bu се точни и дека iPhone 16 ќе има „вертикален распоред на камерата со подигната површина во форма на пилула“. Ова би требало да направи модулот на камерата да изгледа слично на оној во iPhone X, иако леќите треба да го задржат својот индивидуален прстен, наместо и двете да бидат поставени под едно парче стакло.
iPhone 16 new information (Rumor)
The size of the 16 Pro models, while many other sources are saying that the size has increased, I am seeing that the 16 Pro Max will have no change, at least that is what I am currently seeing. With no accurate measurements, I cannot guarantee,… pic.twitter.com/uUJjMVikK9
— Majin Bu (@MajinBuOfficial) February 4, 2024
Што се однесува до 16 Pro, Majin Bu вели дека Apple сè уште тестира начини како да постави перископ објектив за 5X оптичко зумирање на помалата верзија. Во моментов, само iPhone 15 Pro Max има перископ камера со 5X оптички зум.