Неколку дена пред европската премиерата на Xiaomi 14 Ultra на Мобилниот конгрес во Барселона (MWC 2024), на интернет продолжуваат да протекуваат нови информации за уредот. Неодамна објавивме како ќе изгледа, а сега имаме детали и колку ќе чини во Европа.
Информациите доаѓаат од француското издание Dealabs, а поточно од дојавувачот billbil-kun, кој досега секогаш откриваше точни информации, па можеме да му веруваме. Според него, европската цена на Xiaomi 14 Ultra ќе биде 1.499 евра за верзијата со 16/512 GB меморија, а уредот ќе биде достапен во црна и бела боја.
Сајтот потврдува дека само два од моделите од Xiaomi 14 серијата ќе бидат достапни во Европа, а меѓу нив не е Xiaomi 14 Pro, кој засега ќе се продава само во Кина. Што се однесува до основниот модел Xiaomi 14, тој ќе биде достапен во варијанта 12/512 GB во зелена, црна и бела боја по цена од 1099 евра, што ја потврдува информацијата која се појави пред неколку дена од Грција.