На Светскиот мобилен конгрес во Барселона беа доделени 28 награди во шест категории, а четири од нив се однесуваат на категоријата Devices, односно уреди.
Мобилните телефони Pixel 8 и Pixel 8 Pro на Google ја освоија престижната награда за најдобар паметен телефон, победувајќи ги iPhone 15 Pro, Galaxy S23, Z Flip 5 и OnePlus Open/Oppo Find N3 сериите. Смартфоните на Google беа наградени за „одлични перформанси, иновации и лидерство“ во конкуренција на паметните телефони престатвени помеѓу јануари и декември 2023 година.
Во категоријата Breakthrough innovation, во потесмниот избор се најдоа силициум-јаглеродната батерија на мобилниот телефон Magic V2, посветеноста на Google за седумгодишни надградби и можноста за AI технологиите за снимање. Судиите одлучија дека најновиот процесор на Qualcomm Snapdragon 8 Gen 3 ја заслужува наградата за „хардверска и софтверска иновација во самите паметни уреди“.
Galaxy Tab S9 Ultra на Samsung триумфираше во категоријата Best Connected Consumer Device, а конкуренција му беа Motorola Defy 2 со сателитската комуникација на Bullitt, HTC Vive XR Elite, Huawei Watch Ultimate и RayNeo Air2 XR Glasses очилата. Таблетот на Samsung беше награден како „најдобар секојдневен електронски уред или гаџет, кој донесува нови и паметни апликации, ефикасност и функционалност на корисникот, дома или во движење“.
За Best of Show наградата се бореа уредите претставени за време на MWC. Иако првично дебитираше во Кина, Magic V2 RSR Porsche Edition имаше меѓународна премиера во Барселона на 25 февруари за време на настанот на Honor.
Победниците во останатите категории можете да ги видите на овој ЛИНК
Сите новитети од годинашниот Мобилен конгрес во Барселона (MWC 2024) можете да ги пронајдете на следниот ЛИНК
