Apple денеска ги објави новите модели на MacBook Air со екрани од 13 и 15 инчи со M3 чип, подобрена поддршка за екстерни дисплеи, Wi-Fi 6E и многу повеќе.
Apple вели дека новиот MacBook Air е до 60% побрз од моделот со M1 чип и до 13 пати побрз од најбрзиот MacBook Air базиран на Intel. Со побрз и поефикасен Neural engine, Apple вели дека MacBook Air продолжува да биде „најдобриот потрошувачки лаптоп за вештачка интелигенција“. Новиот Air добива и мотор за декодирање AV1 за да обезбеди поефикасно и поквалитетно видео од услугите за стриминг.
Покрај M3 чипот, новиот MacBook Air нуди режими за Wi-Fi 6E, изолација на глас и микрофон со широк спектар, подобрена гласовна јасност при аудио и видео повици и поотпорна завршница на отпечатоци од прсти кај Midnight опцијата боја. Новите модели ќе поддржуваат до два надворешни дисплеи кога лаптопот е затворен, што е зголемување од само еден надворешен екран на претходните MacBook Air модели со чиповите на Apple.
Преднарачките на новиот MacBook Air започнуваат денес, а нарачките пристигнуваат до купувачите во петок, 8 март. Моделите со екрани од 13 и 15 инчи ќе продолжат да биде достапни во Midnight, Starlight, Space Grey и Silver бои со почетна цена од 1.099 долари за 13-инчниот модел. Основниот 15-инчен Air ќе стартува од 1299 долари.
Покрај објавата на новуте модели, Apple денеска ја прекина продажбата на MacBook Air со M1 чип, кој беше лансиран во ноември 2020 година како еден од првите лаптопи на Apple со чип на компанијата.
Палетата на MacBook Air сега се состои од 13-инчен MacBook Air со M2 чип со почетна цена од 999 долари, 13-инчен MacBook Air со M3 чип со стартна цена од 1.099 долари и 15-инчен MacBook Air со M3 чип почнувајќи од 1.299 долари.
