Apple вчера ги објави ажурирањата за iOS 17.4 и iPadOS 17.4 за поддржаните уреди на iPhone и iPad. Ова е четврта надградба на iOS 17 системот, кој беше претставен во деветтиот месец од минатата година. Тоа е големо ажурирање кое носи големи промени за корисниците во Европа.
Со iOS 17.4, Apple воведува големи промени во начинот на работа на App Store и апликациите во ЕУ. На тој начин, сега е овозможен пристап до алтернативни апликации од трети страни на iPhone, алтернативни системи за плаќање на iOS и iPadOS, прелистувачи од трети страни, како и пристап до NFC за плаќања од трети страни.
Овие значајни промени се ограничени само на пазарот на Европската унија. Сепак, некои други промени доаѓаат низ сите држави во светот. Така, Apple сега дозволува апликации за игри в облак, како што се Xbox Cloud Gaming и Nvidia GeForce NOW.
iOS 17.4 исто така носи нови стикери за емотикони, транскрипција за подкасти во апликацијата Podcasts, подобрен интерфејс за здравјето на батеријата на iPhone 15 моделите и многу повеќе.
Во видеото подолу можете да ги погледнете сите промени што ги донесува iOS 17.4