Sony подготви ново ажурирање за конзолата PS5, кое ги подобрува звучниците и микрофонот на контролерите DualSense, додава покажувачи и emoji реакции на функцијата Screen Share и вклучува можност за прилагодување на осветленоста на Power индикаторот.
Ажурирањето најпрвин стигна до тестерите минатиот месец, а сега е пуштено кај корисниците на конзолата на Sony ширум светот.
Sony го ажурира фирмверот на безжичните контролери DualSense и DualSense Edge како дел од оваа надградба, за да ја подобри излезната јачина на звукот на играта, како и гласовниот чет. Микрофоните на двата контролери се подобрени благодарение на моделот за машинско учење, кој го поништува шумот во позадина како притискање на копчињата.
PS5 system software update 24.02-09.00.00 is available now✨
Please check our page for the latest system software features and how to update.
💡PS5 system software updatehttps://t.co/ANUhbrulMa pic.twitter.com/UvaTTt2ZYb
— Ask PlayStation (@AskPlayStation) March 13, 2024
Функцијата Screen Share на PS5, исто така, доби покажувачи и emoji реакции, што ви овозможува да цртате инструкции на споделениот екран и да обележувате области или објекти. Гледачите може да испраќаат реакции со емотикони до споделувачот на екранот. Покажувачите и емотиконите ќе може да се оневозможат ако премногу го одвлекуваат вниманието.
Овој месец доаѓа и ажурирање на мобилната апликација PlayStation, така што корисниците на iOS и Android можат да ги користат овие нови интеракции на Share Screen.
Sony им овозможи на сопствениците на PS5 конзолата да ја приспособат осветленоста на индикаторот „power“, па може да се избере помеѓу три нови опции, слабо, средно и светло. Сепак, осветленоста на индикаторот не може целосно да се исклучи.
