Home » Huawei Nova 12 серијата лансирана на глобалниот пазар

Huawei Nova 12 серијата лансирана на глобалниот пазар

by n1dz3 9 months ago

9 months ago

Ознаките: „i, s, и SE“ се имињата на моделите на Huawei Nova 12 линијата смартфони од средна класа што кинескиот технолошки гигант ги претстави за меѓународниот пазар

Новата линија телефони на Huawei од средна класа наречена Huawei Nova 12 се состои од три модели: Nova 12i, Nova 12s и Nova 12 SE, кои ќе бидат достапни надвор од Кина, односно на меѓународниот пазар. Првиот модел е целосно нов, додека вториот модел е ребрендирана верзија на Huawei Nova 11 со модерен син панел, а третиот е речиси целосно дентичен како Huawei Nova 11 SE, но со друго име.

Huawei Nova 12i, има 6,7-инчен LCD екран со Full HD+ резолуција и стапка на освежување на екранот од 90 Hz. Чипсетот во овој телефон е Snapdragon 680, но само со LTE поддршка, има 8 GB RAM и опција за внатрешна меморија од 128 или 256 GB.

Huawei Nova 12i

Големиот круг на задната страна на телефонот содржи само една функционална камера со 108 MP и отвор на бленда f/1,9, проследена со сензор за длабочина од 2 MP и еден LED блиц. Предната камера има сензор од 8 MP, кој се наоѓа во внатрешноста на исечокот на екранот.

Nova 12i има батерија од 5.000 mAh и поддржува Huawei SuperCharge полнење од 40 W, што може да ја наполни батеријата до 62 проценти за 30 минути. Страните на телефонот се рамни, а сензорот за отпечатоци е вграден во копчето за вклучување на десната страна, под регулаторот за јачина на звук.

Како глобален смартфон, Nova 12i доаѓа со EMUI 14 интерфејс, базиран на AOSP. Телефонот поддржува Bluetooth 5.0 и Wi-Fi a/b/g/n/ac. Huawei го нуди овој модел во зелена и црна боја, а во кутијата доаѓа и адаптер од 40 W.

Huawei Nova 12s

Вториот член на Huawei Nova 12 линијата е оној со ознаката „s“, што практично го претставува Huawei Nova 11, кој беше лансиран во Кина пред една година, само што сега излегува на светскиот пазар под друго име. Тогаш главната боја беше светло зелена, но со оглед дека сината е главна боја на Nova 12 линијата, Huawei Nova 12s доаѓа во таа боја.

Телефонот е дебел помалку од 7 mm и има предна камера од 60 MP. На задната страна се главната камера од 50 MP и ултраширока камера со 8 MP, поддржана од ласерски фокус и сензор за температура на бојата.

Huawei Nova 12s се напојува со Snapdragon 778G чип, има 8 GB RAM и 6,7-инчен OLED екран со Full HD+ резолуција и стапка на освежување од 120 Hz. Во поглед на софтверот, телефонот користи EMUI 14 интерефејс.

Huawei Nova 12 SE

Последниот член на линијата, Huawei Nova 12 SE е во слична ситуација како Nova 12s. Huawei не ја промени дури ни главната боја, а практично е ист како Huawei Nova 11 SE. Се напојува со Snapdragon 680 чип и има 6,67-инчен OLED дисплеј и тројна камера на задната страна. Системот на камерата се состои од главна камера од 108 MP со отвор на бленда f/1,9, ултраширока камера со 8 MP и f/2,2, како и макро камера од 2 MP со отвор од f/2,4.

Овој телефон беше импресивен кога беше лансиран како „11 SE“ и денес е сè уште пристоен уред со батерија од 5.000 mAh и поддршка за полнење од 66 W. Глобалниот пазар ќе има можност да го користи во варијанта со 8 GB работна меморија и 128 или 256 GB простор за складирање, и исто така EMUI 14 наместо HarmonyOS.

Huawei Huawei Nova 12

Најчитани

Најнови

Huawei Nova 12 серијата лансирана на глобалниот пазар

Ознаките: „i, s, и SE“ се имињата на моделите на Huawei Nova 12 линијата смартфони од средна класа што кинескиот технолошки гигант ги претстави за меѓународниот пазар

Поврзани статии

И покрај санкциите, носечките уреди на Huawei пред Apple, Xiaomi и Samsung

Huawei Pura 80 серијата ќе ја задржи големината на екранот како кај Pura 70, со подобри перформанси

Huawei Nova 13 и Nova 13 Pro пристигнуваат на глобалниот пазар со фокус на селфи фотографиите

Huawei глобално го претстави преклопниот Mate X6 со тенко куќиште и премиум дизајн (ВИДЕО)

Huawei откри изненадувачки детали за Mate 70 серијата

HarmonyOS Next на Huawei сепак може да покренува апликации наменети за Android

Најчитани

Најнови