Според информациите кои доаѓаат од Јужна Кореја, Galaxy S24 FE телефонот на Samsung ќе биде лансиран ова лето заедно со уште неколку уреди.
Samsung го претстави Galaxy S23 FE во октомври минатата година, околу осум месеци по останатите модели од Galaxy S23 серијата и по извесен период без FE модел, бидејќи S22 FE не се ни појави. Сепак, јужнокорејската компанија не се откажа од оваа линија и наводно работи и на моделот Galaxy S24 FE.
Според новиот извештај од Јужна Кореја, Galaxy S24 FE ќе се појави на пазарот ова лето. Тоа е доста порано од кој било друг FE модел од минатото, но и порано во однос на семејството уреди без ознаката FE. Серијата Galaxy S24 беше лансирана во јануари оваа година.
Ако оваа информација е точна, Unpacked настанот што се очекува да се одржи во средината на јули ќе биде доста богат, бидејќи се очекуваат да бидат претставени Galaxy Z Fold6, можеби во две верзии, Galaxy Z Flip6, како и Galaxy Ring. Сепак, тоа не е се, бидејќи пристигнува и новата Galaxy Watch7 серија паметни часовници
Оваа информација доаѓа од извор на синџирот на снабдување во Јужна Кореја, односно компанија која произведува одредени компоненти за претстојниот Galaxy S24 FE. Масовното производство на тие компоненти веќе е почмнато. Планот е да се произведат неколку милиони примероци, бидејќи Samsung верува дека Galaxy S24 FE ќе биде многу успешен на пазарот. Овој смартфон ќе има OLED екран со тенки рамки, се вели во извештајот.