Motorola неодамна го претстави паметниот телефон Edge 50 Pro во Индија, но овој уред ќе пристигне и на европскиот пазар.
Според последните информации, Edge 50 Pro во Европа можеме да го очекуваме кон средината на овој месец , а изворот тврди дека ќе биде достапен само во една конфигурација, и тоа со 12 GB RAM и 256 GB простор за складирање. Цената на овој модел ќе биде 699 евра.
Ако се е точно, тоа значи дека цената ќе биде значително повисока во однос на индискиот пазар, каде верзијата со конфигурација од 12/256 GB чини околу 400 евра. Исто така, на овој пазар е достапна и поевтина верзија на конфигурацијата од 8/256 GB, за која треба да потрошите околу 355 евра.
Изгледа дека купувачите во Европа ќе можат да избираат од истите бои на уредот достапен во Индија, кои вклучуваат виолетова, црна и бисерна.
Пакувањето на уредите наменети за европскиот пазар ќе вклучува полнач од 125 W. Како што е веќе познато, Edge 50 Pro се напојува со процесорот Snapdragon 7 Gen 3 на Qualcomm, има 6,7-инчен FullHD+ AMOLED екран со стапка на освежување од 144 Hz и поддржува технологија HDR10+, чија максимална осветленост изнесува 2.000 нита. На задната страна се наоѓа главна камера од 50 MP со оптичка стабилизација на сликата, опкружена со телефото камера од 10 MP со 3x оптички зум, како и ултра-широка од 13 MP со автофокус. Селфи камерата од 50 MP се наоѓа напред.
Уредот е водоотпорен според IP68 стандардот, има стерео звучници со Dolby Atmos технологија, додека во екранот е интегриран сензор за отпечатоци.
Edge 50 Pro се напојува со батерија од 4.500 mAh со поддршка за жично полнење од 125W и безжично полнење од 50W. Уредот користи оперативен систем Андроид 14, а загарантирани се три главни ажурирања на оперативниот систем и четири години безбедносни надградби.