Acer објави два нови 14-инчни гејмерски лаптопи, а се работи за моделите Nitro 14 и Predator Helios Neo 14.
Nitro 14 може да се конфигурира со до AMD Ryzen 7 8845HS процесор, NVIDIA GeForce RTX 4060 графичка картичка, 32GB LPDDR5X SDRAM и 1TB NVME SSD. Екранот поддржува G-Sync технологија, брзина на освежување до 120 херци и резолуција до 1920 x 1200 пиксели.
Predator Helios Neo 14 доаѓа со Intel Ultra 9 185H, GeForce RTX 4070, како и дисплеј со брзина на освежување до 165 херци и резолуција од 3072 x 1920 пиксели. Кај овој модел, опциите за меморија се исти како на Nitro 14.
Новите лаптопи имаат и обновен систем за ладење со течен метал помеѓу процесорот и единицата за ладење. Функционалностите на вештачка интелигенција се дел од решението Experience Zone, а тука е и новото копче на тастатурата за вклучување на Microsoft Copilot, плус еден месец бесплатен пристап до Xbox Game Pass Ultimate е додаден.
Двата модела се очекуваат во јуни во Европа со цени од 1199 евра.