Следната генерација на M4 чиповите на Apple, кои се очекуваат пред крајот на 2024 година, ќе имаат силен фокус на вештачката интелигенција. Дали оваа инаугурација на новата генерација ќе ги подобри разочарувачките продажни резултати?
Само половина година по лансирањето на M3 генерацијата и пред веројатната презентација на M3 Ultra чипот на WWDC конференција, доаѓа вест за претстојната M4 серија чипови. Изворите тврдат дека Apple се подготвува да започне со производство на нови чипови и дека оваа верзија ќе биде силно фокусирана на вештачката интелигенција.
Според извештајот на Bloomberg, Apple планира да ја ажурира својата Mac постава кон крајот на 2024 и почетокот на 2025 година. Се очекува да бидат лансирани нови iMac модели, нови MacBook Pro лаптопи и Mac mini, а сите ќе бидат опремени со идните M4 чипови.
М4 Генерацијата ќе има три главни варијанти, со кодно име Donan, Brava и Hydra, кои веројатно ќе го претставуваат основниот M4 чип, M4 Pro и M4 Max. Apple нема да се двоуми на WWDC конференцијата да ги пофали можностите на следната генерација процесори и нивната интеграција со macOS.
Иако деталите за промените во самите чипови не се познати, се очекува дека врвниот Hydra чип ќе поддржува до половина терабајт RAM меморија. Фокусот на вниманието ќе биде надградбата на Neural Engine.
Neural Engine
Neural Engine на Apple е специјализирана хардверска компонента дизајнирана да ги забрза задачите за машинско учење на уредите на Apple. За прв пат претставен со A11 Bionic чипот во 2017 година, Neural Engine е дел од системот-на-чип (SoC) што ги напојува различните производи на Apple, вклучувајќи ги iPhone, iPad и некои модели на Mac. Неговата примарна функција е поефикасно да управува со обработката на алгоритмите за машинско учење отколку што би можеле главниот процесор (CPU) или графичкиот процесор (GPU).
Потенцијалното лансирање на трите чипа би можело да го следи моделот на лансирањето на M3 серијатa, каде што истовремено беа објавени M3, M3 Pro и M3 Max варијантите. Сепак, производството на само три чипа за M4 генерацијата би претставувало отстапување од воспоставениот опсег од четири нивоа на чипови што Apple ги нудеше досега
Како да се запре падот
Податоците за продажба за минатата година се разочарувачки. Испораките на Mac изнесуваат вкупно 21,7 милиони компјутери во 2023 година, што е намалување од 27,9 милиони во цела 2022 година. Падот е уште полош од оној на конкуренцијата.
Докажан рецепт е да се воведат нови процесори и да се разбуди интересот на купувачите за надградба. Apple го претстави М2 семејството процесори во јануари 2023 година, но немаше очекувана продажба. Само девет месеци подоцна, во октомври беа претставен Apple M3 чиповите. Многу е невообичаено да се претстават на пазарот две верзии на процесорот за толку кратко време, но така е кога владеат маркетингот и продажбата. Сега, шест месеци подоцна, трендот продолжува со M4. Процесорот, засилен со можностите за вештачка интелигенција, се очекува да го врати Apple на продажните бројки што ги посакуваат Wall Street и акционерите.
