Кон крајот на минатата недела, некои корисници открија дека имаат пристап до нов додаток на Instagram. Станува збор за Meta AI, четботот за вештачка интелигенција на матичната компанија Meta кој може да одговара на прашања и да генерира содржина врз основа на текстуално барање.
Овој додаток е очекуван, имајќи предвид дека четботот се појавува на различниte платформи на компанијата во последните месеци. Ова го вклучува и WhatsApp, каде што четботот моментно е достапен само за одредени корисници во одредени земји.
Meta објави дека тие се во различни фази на тестирање, а способностите за вештачка интелигенција сè уште се во развој. Ова значи дека ќе биде потребно извесно време за новата функционалност да стигне до сите.
Што се однесува до Instagram, Meta AI се појавува во полето за пребарување за да можете да започнете разговор со него. Во моментов нема индикации дека се достапни нови функции специфични за платформата, но тоа најверојатно ќе се промени со текот на времето.